Økologisk landbruk - direkte tilskott

Oppdatert: 13.02.2012 14:36
Generelt
Omtale

Tilskott til økologisk landbruk inngår i produksjonstilskottet og omfattar tre ordningar:

  • omleggingstilskott (eingongstilskott som blir gjeve ved omlegging)
  • arealtilskott (årleg tilskott til areal som er lagt om til økologisk drift )
  • tilskott til økologisk husdyrproduksjon

Føremålet med å yte tilskott til økologisk landbruk er å stimulere til å leggje om til og oppretthalde økologiske driftsformer. Tilskotta skal gjere sitt til å kompensere for auka kostnader og avlingsnedgang i den økologiske drifta og medverke til å auke produksjon av økologiske landbruksprodukt.

Målgruppe

Landbruksføretak

Kriterium/vilkår

Føretaket må fylle dei generelle krava til produksjonstilskott i jordbruket. Det vil seie at føretaket må vere registrert i Einingsregisteret, og

  • anten vere registrert som meirverdiavgiftspliktig og kunne levere årsoppgåve som landbruksføretak, 
  • eller ha ei samla omsetning og uttak av avgiftspliktige varer og tenester på til saman minimum kr 20 000 dei siste tolv månadene før registreringsdato for søknaden

Arealet og husdyra må kontrollerast og godkjennast av Debio slik at produksjonen er i samsvar med dei krava som blir stilte til produksjon og merking av økologiske landbruksvarer. Debio er ein kontroll- og godkjenningsinstans som fører tilsyn med økologisk landbruksproduksjon i Noreg.

Regelverk

Lover
Lov om behandlingsmåten i forvaltningssaker (forvaltningsloven)
Lov om jord (jordlova)

Forskrifter
Forskrift om produksjonstilskudd i jordbruket
Forskrift om økologisk produksjon og merking ...

Rettleiing
Økologisk produksjon (veiledere fra Mattilsynet)
Praktiske opplysninger
Rettleiing - korleis få utført eller motta tenesta

Føretak som har søkt om tilskott tidlegare, får tilsendt søknadsmateriell. Andre føretak må vende seg til kommunen.

Søknadsfrist

Fristen er 20. august for omleggings- og arealtilskott. For husdyrtilskott er fristen 20. januar og 20. august.

Sakshandsaming

Kommunen skal innhente dei opplysningane som er nødvendige for å avgjere saka. Deretter blir det gjort eit vedtak. Til vanleg får du ei grunngjeving samstundes med vedtaket. Du får alltid ei grunngjeving dersom ein trur at du blir misnøgd med vedtaket. Dersom grunngjevinga ikkje følgjer med, kan du få ho ved å vende deg til kommunen før klagefristen for vedtaket går ut.

Klagemulighet

Dersom du er misnøgd med vedtaket, kan du klage til kommunen innan ein frist på tre veker frå du mottok det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lar vedtaket stå, blir saka sendt vidare til Fylkesmannen, som avgjer om klagen skal bli teken til følgje.

Kontaktinformasjon
Ansvarlig eining
Avdeling:Utvikling
Leder:Bjørn Eikemo
Kontaktpersonar
Reidar Rødne (Rådgjevar)
Telefon: 53758261
Mobil: 91117763
Telefaks:
Epost: reidar.rodne@etne.kommune.no
Andre opplysningar
Dato oppdatert
2012-02-13 14:36

Kontakt oss

Telefon:
Faks:
53 75 80 00
53 75 80 01
Postboks 54, 5591 Etne