Reduksjon eller fritak for skatt (ettergjeving eller nedsetjing av skatt)

Oppdatert: 21.03.2012 15:00
Generelt
Omtale

Som hovudregel skal alle betale den skatten som er fastsett. I visse tilfelle kan du søkje om å få utsett betalinga, få redusert skatten eller sleppe å betale skatt.

Målgruppe

Skattepliktige som ikkje er i stand til å betale heile eller delar av den skatten dei skuldar.

Kriterium/vilkår

Du kan få utsett innbetaling av utskriven skatt eller fritak for forskottstrekk dersom du er mellombels ute av stand til å betale skatten. Årsaker kan vere dødsfall eller alvorleg sjukdom. Skattekravet kan bli sett ned eller fråfalle dersom betalingsevna di er varig svekt.

Samarbeidspartnarar

Skattekontoret, skatteoppkrevjaren (kemner/kommunekasserar), Skatteetaten

Regelverk

Lover
Lov om betaling og innkreving av skatte- og avgiftskrav (skattebetalingsloven) kap. 15 Betalingsutsettelse og betalingsnedsettelse – lempning
Praktiske opplysninger
Rettleiing - korleis få utført eller motta tenesta

Skatteoppkrevjaren vil kunne hjelpe deg med å setje opp ein søknad. Den skal innehalde

  • namn
  • stilling
  • sivilstand
  • inntekt (ev. inntekta til sambuaren/ektefellen/partnaren) dei siste to åra
  • talet på forsørga og alderen deira
  • opplysning om skatten er basert på sjølvmelding eller skjønnslikning
  • kva for krav som blir søkt ettergjevne
  • opplysning om eventuell sjukdom
  • oppgåve over faste utgifter
  • grunngjeving for søknaden

Alle opplysningane bør vere dokumenterte.

Vedlegg

Kopi av sjølvmelding for dei siste to åra, eventuelt siste likning

Sakshandsaming

Skatteutvalet avgjer ettergjeving av skatt inntil kr 200 000. I saker som gjeld summar over kr 200 000, har skattekontoret avgjerdsmyndet. Skatteoppkrevjaren kan avgjere søknader om ettergjeving/nedsetjing som gjeld forseinkingsrenter på inntil kr 50 000.

Klagemulighet

Det er ikkje høve til å klage over vedtak som er gjort av skatteutvalet. For vedtak som er gjort av skatteoppkrevjar eller skattekontor, kan du klage til overordna organ etter reglane i forvaltningslova. Du kan likevel søkje på nytt dersom du meiner at saka ikkje har vore tilstrekkeleg opplyst eller at situasjonen har endra seg.

Kontaktinformasjon
Ansvarlig eining
Avdeling:Økonomi
Kontaktpersonar
Odfrid Tesdal (Skatteoppkrevjar)
Telefon: 53758054
Mobil:
Telefaks:
Epost: odfrid.tesdal@etne.kommune.no
Thorbjørn Jacobsen (Konsulent)
Telefon: 53758052
Mobil:
Telefaks:
Epost: thorbjorn.jacobsen@etne.kommune.no
Andre opplysningar
Dato oppdatert
2012-03-21 15:00

Kontakt oss

Telefon:
Faks:
53 75 80 00
53 75 80 01
Postboks 54, 5591 Etne

Eksterne linker