Formålet med tenesta er å gje heimebuande personar nødvendig og forsvarleg helsehjelp, på same tid som  grunnleggande behov vert dekte slik at brukaren kan bu i eigen bustad så lenge som mogleg.

Tenestene skal ytas på ein slik måte at brukaren opprettheld eller forbetrar sitt funksjonsnivå så langt som mogleg.

Før varige hjelpetiltak etableras skal tilrettelegging  av bustad, omsorgsteknologi/ tekniske hjelpemidlar, kvardagsrehabilitering og annan form for rehabilitering/opplæring være prøvd eller vurdert.

Helsetenester i heimen kan innebere:

• Legemiddeladministrering og/eller oppfylging.

• Spesiell oppfylging av smertebehandling.

• Oppfylging av ernæringssituasjon.

• Behov for behandling, observasjon og oppfylging av akutt sjukdom.

• Behov for behandling, observasjon og oppfylging etter utskriving frå sjukehus.

• Behov for støttesamtaler og andre tiltak som fylgje av psykiske lidingar til ulike brukargrupper.

• Hjelp til personlig hygiene og naturlige funksjoner.

• Hjelp til å førebyggje komplikasjonar på grunn av sjukdom.

• Leggje til rette for lindrande behandling og omsorg for personer med kort forventa levetid og som ynskjer å døy heime.

• Kontakt med kreftkoordinator som eit lav terskel tilbod uavhengig om man har andre tenester. Sjå eiga tenestestandard.

• Kontakt med demenskoordinator som eit lav terskel tilbod uavhengig om man har andre tenester. Sjå eiga tenestestandard.

• Tryggleiksalarm eller andre omsorgsteknologiske løysningar der dette bidreg i behandlinga eller til å gi tryggleik i ein særskilt helse messig situasjon. Sjå eiga tenestestandard.

   

 Tenesta omfattar ikkje:

• Sår behandling, injeksjonar og prøvetaking til brukar som kan oppsøkje legekontor.

• Brukar som har familie i nærleiken må sjølv  sørgje for nødvendig følgje ved besøk hos lege/spesialist og andre offentlege kontor, samt bestilling / avbestilling / endring av timar til lege, spesialist, tannlege, fotpleie, frisør o.a.

• Hjelp til å administrere medisiner ved hjelp av dosett eller multidose vert ikkje gitt  til brukarar som har pårørande som kan meistre denne oppgåva.