Kommunen skal ha ei koordinerande eining for rehabilitering og habilitering. Koordinerande eining skal ta i mot melding om behov for rehabilitering og ha ei oversikt og plan for habiliteringstenestene.

Koordinerande eining oppnevnar koordinator for pasient/brukar med behov for langvarig og koordinerte helse- og omsorgstenester, jf. pasient og brukarettighetsloven §2.5. Vedkommande har rett til å delta i arbeidet med sin individuelle plan, og det skal leggjast til rette for dette jf. pasient og brukarettighetsloven §3.1.Pårørande skal trekkjast inn i arbeidet i den utstrekninga pasient/brukar og pårørande ynskjer det.

Føremål med individuell plan og koordinator

• Sikra at pasient og brukar får eit heilskapleg, koordinert og individuelt tilpassa tenestetilbod.
• Sikra pasient og brukar sin medverknad.
• Styrka samhandlinga mellom tenesteytar og pasient og bruker og eventuelt pårørende.
• Styrka samhandlinga mellom tenesteytar på tvers av fag, nivå og sektorar.

Koordinator er ein tenesteytar som skal sikra naudsynt oppfølging og samordning av tenestetilbodet samt framdrift i arbeidet med individuell plan. Koordinator blir oppnevnt i forbindelse med individuell plan, men skal også tilbys sjølv om vedkommende takker nei til individuell plan.

Film: https://www.youtube.com/watch?v=KCR3fsLPpcM