Fikse Næringsforening

Medlemsbedriftene har eit stort behov for arbeidskraft, og Fikse sitt mål er å bidra til at dei får tak i dyktige tilsette. Om du er på jakt etter jobb i Etne, eller har spørsmål om dine moglegheiter, kan du ta kontakt med oss på post@etnevindafjord.no eller 977 71 755.

Fikse har tre område vi jobbar med:

Bli sett - koplar bedrifter og flinke folk. På våre nettsider kan du mellom anna sjå ei oversikt over medlemsbedriftene, og læreportalen Finnfag.no der bedrifter legg ut lærlingplassar. Mange av bedriftene har eit stort behov for rekruttering, sjølv om det ikkje nødvendigvis er aktive stillingsannonser ute. Ta kontakt med Fikse så kan vi hjelpe med å finne bedrifter som har behov for deg!

Bli med - Fagleg påfyll og nettverk. Fikse jobbar med å etablere møteplassar og nettverk, tilby kurs og konferansar, og gi moglegheiter til å utvikle og styrke både bedrifter og tilsette.

Bli høyrt - bedriftene sitt talerøyr. Fikse er bedriftene sitt talerøyr opp mot lokale, regionale og nasjonale myndigheiter. Politikk har stor påverknad på både drift, utvikling og rekruttering. Vi jobbar for at rammevilkåra til bedriftene er gode og rettferdige, og at regionen er attraktiv for å tiltrekke seg arbeidskraft.

FIKSE Næringsforening