Nymerking av grense

Formål

Merking av grenser der grensemerke har forsvunne i samband med gravearbeid eller liknande. Dette gjeld grensemerke som er koordinatfestet i oppmålingsforretning/ kart-og delingsforretning, og der det allereie er utarbeida matrikkelbrev eller målebrev.

Kven kan rekvirera?

Heimelshavar, festar, advokatar, kommune, fylkeskommune, stat eller andre som har fullmakt jf. matrikkeloven§ 17, kan rekvirera nymerking av grenser. I dei tilfella eit firma er eigar, må det leggast ved firmaattest av nyare dato.

Rekvisisjonen skal innehalda

• Skjema for rekvisisjon av oppmålingsforretning der ein kryssar av for «Nymerking av eksisterande grensepunkt.» Rekvisisjon om oppmålingsforretning
• Kart som viser kva grensemerke som skal merkast på nytt. Gå til kartoversikt

Send rekvisisjonen til

Etne kommune, Sjoarvegen 20, 5590 Etne eller e-post til: post@etne.kommune.no

Saksbehandlingstid

• Oppmålingsmyndighetene har i følge lov, 16 vekers frist for å gjennomføra nymerkinga.
• Når det gjeld tidsfrist stoppar tida opp dersom rekvirent må skaffe tilleggsopplysningar for at nymerkinga skal kunna gjennomførast. Tida går igjen når tilleggsinformasjon er komme inn. 

Saksgang – varsling - oppmålingsforretning - matrikkelbrev /underretning

• Dato for oppmålingsforretning blir avtalt med rekvirent. Naboar og rettshavar til eigedommen blir varsla minst 2 veker før oppmålingsforretninga skal gjennomførast. Dersom nokon skal møte istadenfor ein som er varsla, må dei ha med seg skriftleg fullmakt.
• Grensepunkt blir merka med godkjende grensemerke, og målt inn med GPS/ totalstasjon. Det blir ført protokoll over kva som er klarlagt og avtalt i oppmålingsforretninga.
• Etter oppmålingsforretninga blir matrikkelbrev sendt ut til rekvirent, og det blir sendt underretning til aktuelle parter.

Klage

Nymerking av grenser kan påklagast av berørte parter. Det er 3 veker klagefrist frå den dato ein mottok matrikkelbrev eller underretning jf. §46 i matrikkellova

Pris

Sjå gjeldande gebyrregulativ for Etne kommune