Rekvisisjon vassmålar

Eigar kontaktar røyrleggjarfirma. 
Røyrleggjar fyller ut følgjande skjema: 

Skjema for utlevering av vassmålar

Kommunen sender røyrleggjargodkjent rekvisisjon som grunnlag for utlevering av vassmålar frå kommunen sitt lager. Vassmålar skal hentast av røyrleggjar innan 1 månad frå driftsavdelinga i kommunen, Enge 2, 5590 Etne.

Krav til kompetanse og installasjon

  1. Forskrift om vatn- og avløpsgebyr. Etne Kommune
  2. Standard abonnementsvilkår - Administrative føresegner
  3. Standard abonnementsvilkår - Tekniske føresegner
  4. Tilbakeslagssikring
  5. VA-norm for Etne Kommune 
  6. Tilleggsføresegner Standard abonnementsvilkår Etne Kommune
  7. Forskrift om krav til vannmålere - Lovdata

Plassering av vassmålar

Røyrleggjar bør foreta synfaring på staden før målaren vert rekvirert.
Røyrleggjar informerer eigar om tilbakeslagssikring (NS-EN 1717) og eventuelt behov for ekspansjonskar.
Krava til plassering følger av Teknisk føresegn pkt 2.6.

Hovudvassmålar plasserast frostfritt på ein lett tilgjengeleg stad for avlesing. Den skal monterast 
framfor første avstikkar og ved innvendig hovudstengeventil. Vassmålar monterast i konsoll. Vassmålar 
tillatast ikkje plassert i stakekum. På kvar side av vassmålaren skal det monterast ein stengeventil med 
same dimensjon som leidninga. Vassmålaren må vere lett utskiftbar. Utvendig vassmålar-kum 
skal vere minst 1000 mm i diameter. Botnen skal støypast med fall mot sluk med tilbakeslagsordning. 
Vassmålarane må monterast frostfritt.

  1. Målaren skal installerast så nær innvendig hovudstoppekran som mogleg. 
  2. Alt vassforbruk på eigedomen skal målast, det skal ikkje vere vatnuttak før vassmålar. 
  3. Stengeventil - før og etter vassmålar. Slamsamlar - før vassmålar. Reduksjonsventil - etter vassmålar. 
  4. Vassmålar monterast i konsoll.
  5. Krav til tilbakeslagssikring (NS-EN 1717).
  6. For å unngå vasskader, bør målaren plasserast i rom med golvsluk, og ikkje utsetjast for frost eller sterk varme.
  7. Målaren skal vere lett tilgjengeleg for avlesing og utskifting.
  8. Vassmålarar i parallell - tilrådast ved vanninntak større enn 32 mm.

Innmelding av installert vassmålar

Installasjon dokumenterast med bilete. Røyrleggjar tar minimum 3 bilete og fyller ut «Sjekkliste for kontroll og plombering av vassmålar» på monteringsdagen.

1. Eit nærbilete av sjølve målaren med lokk opna slik at vi kan sjå målarstand og målarnummer. 
2. Eit nærbilete av sjølve plomba.
3. Eit bilete av heile installasjonen, slik at vi kan sjå dei forskjellige komponentane i samband med installasjonen

Bileta leggjast ved som vedlegg i skjemaet, slik at vi kan gå inn å forstørra dei. Alle bilete skal takast etter at målarinstallasjonen er ferdig og målaren har byrja å telje.

Sjekkliste for kontroll og plombering av vassmålar