Langtidsopphald i institusjon
Langtidsopphald i institusjon er for deg med eit omfattande behov for helse- og omsorgstenester som ikkje kan bli gitt forsvarleg i heimen din. Det vil til ei kvar tid vera tilknytt personell og det er tilrettelagt for felles måltid og felles opphaldsrom. Målgruppa for langtidsopphald er først og fremst eldre.
Avlastningsopphald institusjon
Eit avlastningsopphald i institusjon er eit tidsavgrensa opphald der ein person får tilbod om pleie og omsorg i ein institusjon, for å gi pårørande nødvendige pausar frå det daglege omsorgsarbeidet. Føremålet er å førebygge overbelastning hjå dei pårørande og sikre at den som treng omsorg, får nødvendige tenester i ein periode.
Korttidsopphald i institusjon
Korttidsopphald i institusjon er for deg som midlertidig har eit omfattande behov for helse- og omsorgstenester som ikkje kan gis forsvarleg i heimen din, eller som ventar på anna tenestetilbod. Opphaldet skal bidra til at du kan bu i eigen bustad lengst mogleg. Det vil til ei kvar tid vera tilknytt personell og det er tilrettelagt for felles måltid og felles opphaldsrom.
Rehabiliteringsopphald i institusjon
Rehabiliteringsopphald er eit opptreningsopphald for deg som har fått eit redusert funksjonsnivå grunna sjukdom eller skade. Opphaldet skal bidra til at du kan bu i eigen bustad lengst mogleg. Det vil til ei kvar tid vera tilknytt personell og det er tilrettelagt for felles måltid og felles opphaldsrom.