Formål
Heidersprisane skal gje anerkjenning for å ha utmerka seg eller prestert på høgt nivå innan kultur, idrett eller andre samfunnsområde.
Kven kan få prisen
Prisen kan tildelast personar, lag eller grupper.
Heiderspris kan tildelast ved dokumenterte prestasjonar på høgt nivå, til dømes nasjonalt eller internasjonalt, eller ved særleg langvarig, nyskapande eller banebrytande innsats innan sitt område.
Prisen kan mellom anna tildelast for: prestasjonar i NM, EM, VM eller tilsvarande, særlege kunstnarlege eller kulturelle prestasjonar, utmerkingar eller resultat som har gjeve positiv merksemd til Etne kommune, langvarig eller banebrytande innsats innan kultur, idrett eller andre samfunnsområde.
Mottakar skal vere busett i Etne kommune eller ha sterk tilknyting til kommunen.
Prisbeløp og tal på prisvinnarar
Kvar heiderspris kan vere på inntil kr 10 000. Beløpet skal vurderast ut frå prestasjon, representativitet og vedteken budsjettramme.
Det kan delast ut inntil fire heidersprisar kvart år.
Forslag til kandidatar
Forslag til kandidatar kan fremjast av einskildpersonar, lag, organisasjonar og politikarar. Forslag skal vere skriftlege og grunngjevne. Relevant dokumentasjon skal leggjast ved.
Forslagsfrist 31. desember
Forslag til kandidat
Prisen blir delt ut av ordføraren til våren.
Mottakarar av prisen:
2026 Gisle Enge – pistolskyting
2026 Hans Kristian Åsheim Havreberg – karate
2026 Annika Tökés Krokå – karate
2026 Jan Filip Jensen – karate
