Detaljregulering for Etnesjøen torg- og kaiområde

Hovudutvalet har i sak 083/24 i møte 19.11.2024 vedtatt at detaljregulering for Etnesjøen torg- og kaiområde, planid. 202301, skal sendast på høyring og leggast ut på offentleg ettersyn i minimum 6 veker, jf. plan- og bygningslova §§ 5-2 og 12-10.

Hovudmålet med planen er transformasjon av torg- og kaiområdet i Etne sentrum. Dette omfattar å leggje til rette for transformasjon av torg, kai, strandpromenade med fokus på møteplassar, rekreasjon og leik. Planen legg også rammer for ny utbygging i enkelte delområde. I tillegg strukturere gangsamband, parkeringssituasjon og avkøyringar til E134. 

Eventuelle merknader til planframlegget kan sendast på e-post til post@etne.kommune.no eller med brev til Etne kommune, Sjoarvegen 2, 5590 Etne. E-post/brev skal merkast med Etnesjøen torg- og kaiområde, planid. 202301.

Merknadar må sendast inn innan 01.02.2025.