Etne kommune står sterkt innan pleie- og omsorgstenester

Sonja Frafjord

Rapporten er utarbeidd av Rogaland Revisjon og vart presentert i kommunestyremøtet 12. desember. Rapporten viser at kommunen står godt rusta både på kompetanse og kapasitet i drifta.

Hovudfunn

• Etne kommune har tilstrekkeleg kapasitet til å møte brukarane sine behov. Grunnbemanninga er styrkt, sjukefråværet er redusert, og bemanningsfaktoren er høgare enn i mange andre kommunar.
• Kommunen har ein høgare del tilsette med helsefagleg utdanning enn samanliknbare kommunar, og har i stor grad lukkast med rekruttering til utlyste stillingar.
• Det er gjort gode grep for å utnytte ressursane best mogleg, mellom anna gjennom differensiering av arbeidsoppgåver og tilrettelegging for kompetanseheving.

Rapporten dokumenterer

• Høg pleiefaktor (bemanningsfaktor) samanlikna med andre kommunar.
• Låg «turnover» og redusert sjukefråvær, som gir kontinuitet og stabilitet.
• At alle utlyste stillingar i 2024 blei besett, og at vikarutgiftene er redusert med 48% frå 2023 til 2024.

Utviklingsområde framover

• Oppdatera og forankra kompetanseplanen
• Vidare arbeid med å auka heiltidsandelen, som framleis ligg under nasjonalt nivå.
• Sjå nærare på tilrettelegging i heimar, og kapasitet i institusjon/heildøgnsomsorg for å redusere lengda på korttidsopphald.

Samla sett gir rapporten eit klart inntrykk av at me er på rett veg. Me har robuste tenester og har gjennomført tiltak som gir resultat. Rapporten blir eit viktig verktøy i det vidare strategiske arbeidet, med mål om å sikra forsvarlege tenester som er fleksible og berekraftige over tid.

Les rapporten her