AdobeStock_15616682
Endringa skal sikre heimelsgrunnlag for oppretting av eit eige sjølvkostområde på Havn.
Bakgrunn for endring av forskrifta
Kommunestyret vedtok i april 2025 å kjøpe anlegget på Havn. Kommunestyresaka legg opp til at kjøpet skal løysast som del av eit eige sjølvkostområde. I klartekst vil det bety at det er brukarane sjølv som over tid betaler for kjøp og naudsynte investeringar for å få anlegget til kommunal standard (investeringa). Når investeringa er nedbetalt vil brukarane gå over til dei same gebyra som resten av kommunen. Det er viktig å påpeike at nedbetalingstida er 30 år.
Å endre den gjeldande forskrifta gir eit naudsynt heimelsgrunnlag før ein endeleg avtale om kjøp blir lagt fram for kommunestyret. Eit eige sjølvkostområde vil i dette tilfellet sikre at andre gebyrmottakarar i Etne kommune ikkje blir lasta for kjøpet på Havn.
Kommunestyresaka av april 2025 kan lesast her: Sak 020/25 april 2025
Formannskapssaka 023/16 kan lesast her: Sak 023/26 Vedtak om høyring av gebyrforskrift
Gjeldande gebyrforskrift kan lesast her: Forskrift om vass- og avløpsgebyr, Etne kommune, Vestland - Lovdata
Kva betyr endringa?
Endringa gir heimelsgrunnlag til å krevje andre gebyr for enkeltanlegg enn det innbyggjarane i kommunen forøvrig betalar. For Havn vassverk er det utarbeidd ei gebyrberekning som ligg vedlagt formannskapssaka 023/16. Berekninga viser korleis eit eige kostnadsgrunnlag kan handterast ved kjøp av vassanlegget.
For deg som er tilknytt vassverket på Havn betyr dette:
Gebyret for det nye sjølvkostområdet for Havn vassverk vil bli del av nytt gebyrregulativ for 2026, og fyrst innkrevd då. Det er føreslått at berre fastleddet vert endra (abonnementsgebyret), medan gebyr for sjølve forbruket vert det same som elles i kommunen.
Av gebyrberekninga vil fastleddet for Havn vassverk blir kr 9 008 ekskl. mva, mot kommunen sitt ordinære fastleddsgebyr på kr 2 326 ekskl. mva.
For deg som ikkje er tilknytt vassverket på Havn betyr dette:
Ingen endring. Gebyra følgjer gebyrregulativet til Etne kommune på same vis som før.
Innspel
Innspel kan sendast Etne kommune på post@etne.kommune.no innan 02. august.