Kommunalt aktivitetstilskot (tidl. driftstilskot) til frivillige organisasjonar

Illustrasjon: ChatGPT

Nye retningsliner for kommunalt tilskot til frivillige organisasjonar var på høyring i haust, og gjeld frå søknadsåret 2026.  Me kallar det nå Aktivitetstilskot for å motivera til og støtta faste aktivitetstilbod, særleg for aldersgruppa 0-24 år. I dei reviderte retningslinene blir det stilt krav om fast aktivitet, og faste gratistilbod som ikkje krev medlemsskap kan nå få tilskot. 

Me oppmodar alle lag og organisasjonar til å setja seg inn i dei nye retningslinene! Enkelte lag som tidlegare har motteke tilskot, må kanskje gjera tiltak for å kunna behalda dette eller søkja i ein annan kategori. Andre, som ikkje har fått tilskot tidlegare, kan kanskje nå vera kvalifiserte til å søkja tilskot til aktivitet.

Kvar kategori har ein fordelingsnøkkel med to-delt tilskot: Utrekningsmodellen gir eit likt grunnbeløp til kvart lag innanfor dei ulike kategoriane, og resten av tilskotet blir berekna ut frå talet registrerte medlemmer/faste deltakarar året før. Utrekninga gir utgangspunktet for endeleg og fordeling med skjønsmessige vurderingar.

Informasjon og søknadsskjema