Kunngjering av planvedtak og tildeling av tilskotsmidlar til oppføring av fortau langs Sillavegen

Hovudutvalet har i sak 017/25 i møte 26.03.2025 vedtatt endring av detaljregulering for Silla og Kambe, PlanID R-4 Silde-Kambe 01 etter §12-12 i plan- og bygningslova.

Kart over fortauet på Silla - Klikk for stort bilde

Endringa legg til rette for at eksisterande fortau langs Sillavegen kan forlengast frå der fortauet endar i dag og opp mot Kambe bustadfelt. Frist for å klage på vedtaket er 22.04.25. Ei eventuell klage skal leverast skriftleg til Etne kommune, Sjoarvegen 2, 5590 Etne eller på E-post til post@etne.kommune.no.

Etne kommune har søkt Vestland fylkeskommune og Statens vegvesen om tilskotsmidlar for å føre opp fortauet, og 1. april fekk me melding om at prosjektet vart tildelt 1,4 millionar. Me gler oss over tildelinga. 😊