Resultat frå brukarundersøkinga i legetenesta – og kva me vil gjere vidare

AdobeStock_282672800

Takk til alle 361 som har svart! 

Her er hovudfunna: 

• Tilgang til time: Dei fleste synest det er enkelt å bestille time, og 83 % får vanlegvis time hos fastlegen sin.  
• Ventetid: 58 % meiner dei får time innan rimeleg tid, og 70 % er nøgde med ventetida på venterommet. 
• Digital kontakt: 32 % har prøvd e-konsultasjon, og dei fleste er fornøgde. 
• Kvalitet: Over 95 % opplever respekt frå personalet, og 82 % meiner dei får god informasjon og oppfølging. 

Dette vil me gjere framover: 

• Tilgang til fastlege 
  Me aukar kapasitet på pasientlistene i kommunen med 250 innbyggjarar frå 01.02.2026.  
• Digitale løysingar  
  Me oppfordrar til bruk av digitalt verktøy (pasientsky) for å bestille legetime. Då slepp du ventetid på tlf. og får tilbakemelding om time pr. Sms/ eller mail.   
  
  E- konsultasjon er  tilgjengeleg hjå alle fastlegane i Etne. Dette kan du bestille sjølv digitalt under timebestilling.  Videokonsultasjon vil bli tilgjengeleg i løpet av våren.  
• Venterom
  Nye stolar til venterommet kjem i februar. 

Takk for at du bidreg til å gjere tenesta betre!