Primært vert det gitt tilskot til å støtte opp om prosjekt, tiltak og aktivitetar av eingongskarakter. Fondet kan nyttast til investeringar i varige driftsmidlar, både for ålmennyttige organisasjonar og kommunale tiltak. Søkjar må halda til i Etne Elektrisitetslag sitt gamle konsesjonsområde.
Etne kommune og Etne Elektrisitetslag inngjekk i desember 2019 avtale om overføring av ein gammal konsesjonskraft-kontrakt. Som ein del av avtalen mellom partane, blei det frå 2020 oppretta eit kommunalt fond som skal tilførast delar av inntektene. Midlane frå fondet skal gå til å støtta ulike ålmennyttige formål i Etne kommune.
Midlar frå fondet skal innafor formålet tildelast lag og organisasjonar innan Etne elektrisitetslag sitt tidlegare konsesjonsområde (Etnebygda med Stordalen og Kyrping/Sævareid). Midlane skal ikkje brukast til løpande drift, med unnatak for tilskot til avdrag på investeringar gjort i tråd med fondet sitt formål. Støtte kan gjevast i form av både lån og direkte tilskot.
Etne Formannskap gjorde føljande vedtak i 3. juni 2025:
Disponering av midlar
Disponibel kapital på Fond kraftkontrakten i 2025 er NOK 1 678 106.
- NOK 1,5 millionar skal disponerast i år og blir lyst ut som tilskot i samsvar med vedtektene
- NOK 178 106 skal bli ståande på fondet til disposisjon i komande år
Tillegg til vedtektene
Føljande tillegg blir lagt til retningslinene for Fond kraftkontrakten:
- Tiltaket/prosjektet må som hovudregel vera sett i gang/gjennomført innan 3 år etter tildelinga blei varsla
- Tiltak/prosjekt som har fått tildeling, må som hovudregel vera sett i gang/gjennomført før samme søkjar kan søkja på nytt
- Tiltak/prosjekt med kostnadsramme over 2,5 mill. kan søkja fleire år. 3 års-regelen gjeld frå første tildelinga
Eventuelt inndregne midlar blir lagde til tilgjengeleg kapital på fondet.
Framlegget til disponering av kapitalen for 2025, tillegg til vedtektene og innkomne søknader blir lagt fram for Etne Elektrisitetslag til uttale og eventuell prioritering før endeleg vedtak i Etne formannskap 14. oktober.
For spørsmål, kontakt Kulturkontoret på kultur@etne.kommune.no eller tlf 415 49 252 (Liv-Kari).
Link med pdf til heile vedtektene for fondet
Digitalt søknadsskjema Fond kraftkontrakten - Etne kommune