Vil styrke brannsikkerheita i Skånevik

Etne kommune set no søkelyset på brannsikkerheita i den tette trehusbusetnaden i Skånevik. Bakgrunnen er den gjennomførte ROS-analysen for Etne brann og redning, som viser behov for ei nærare kartlegging.

Kvite hus og veg gjennom sentrum i Skånevik - Klikk for stort bilde Kinga Katrine Blaszkiewicz

Kommunen har engasjert Q Rådgivning – som vi har rammeavtale med – til å bistå i dette arbeidet. Målet er å finne enkle, gode og kostnadseffektive tiltak som kan bidra til å styrke tryggleiken for både innbyggjarar og bygningar i området.

Torsdag 25. september vil Q Rådgivning, saman med leiar for førebyggjande avdeling, gjennomføre ei synfaring i den aktuelle busetnaden.

Har du innspel, erfaringar eller tankar knytt til brannsikkerheita i Skånevik? Då er du hjarteleg velkommen til å ta kontakt med oss under synfaringa.