Søk barnehageplass

I Etne kommune er det to kommunale barnehagar: Enge barnehage og Skånevik barnehage og ein privat barnehage: Småfolk barnehage.

Foreldre kan søkja barnehageplass heile året, men grunna planlegging av nytt barnehageår, vert søknadsfristen for hovudopptak til barnehageplass med oppstart straks etter sommarferien sett til 1. mars kvart år. Fristen gjeld også for å vera sikra lovfesta rett til barnehageplass.

Barn som allereie har plass, treng ikkje søkja på nytt.

Barn som fyller eitt år innan november, har lovfesta rett til barnehageplass frå august eller frå månaden dei fyller eitt år.

Ein må søkja om barnehageplass innan 1. mars for å oppfylla retten til barnehageplass.
Barn som fyller eitt år innan november, kan søkja om plass frå august, men treng ikkje nytta plassen før dei fyller eitt år.

Oppstart av nytt barnehageår følgjer barnehageruta. Men etter avtale med styrar, kan ein avtala start frå 1. august.

• Søknad om endring av opphaldstid har søknadsfrist 15. februar.
• Barn med plass i barnehage etter 2. eller 3. alternativ og som står på venteliste til høgare alternativ, kan søkja om plass i førstealternativsbarnehage.
• Søknad om:
  - ny barnehageplass
  - endra opphaldstid
  - plass ved førstealternativsbarnehage (for dei som står på venteliste) gjer ein via nettsida til Etne kommune.

Melding om behov for individuell tilrettelegging i barnehage jfr Barnehagelova §37.
 

Søknadsskjema for ny plass, endring og oppseiing

Nullmobbing