VEDTEKTER FOR HØYLANDS LEGAT
Oppdaterte av Etne kommunestyre 27. oktober 2026
Høylands legat, oppretta i 1978, var ei gåve til Etne kommune frå Minnie M. Enes (fødd Rygg) og James T. Enes, busette i California.
§ 1 Formål
Legatet skal nyttast til kunstnarleg utsmykking av kommunale bygg og anlegg i Etne kommune. Dette kan til dømes vere minnesmerke, statuar, biletkunst og annan kunst. Kyrkjer og kyrkjegardar er omfatta av formålet.
§ 2 Legatmidlar
Legatet har ein opphavleg kapital på kr 100 000. Frå og med hausten 2026 kan både avkastning og legatkapital delast ut til formålet.
§ 3 Forvalting og tildeling
Ordførar, varaordførar og leiar av hovudutvalet vedtek tildelingar frå fondet.
Administrasjonen førebur og legg fram saker om tildeling.
§ 4 Avvikling
Legatet blir avvikla når kapitalen er brukt opp i samsvar med formålet.