Kunngjering av planvedtak - Detaljregulering for E134 Fikse-Mørkeli, planid 202201

Planen legg til rette for at E134 kan utbetrast på strekninga mellom Mørkeli i Etne og Ølen i Vindafjord. Kommunestyret vedtok å leggje til ei setning i føresegnene pkt. 3.2.4 som omhandlar massehandtering:

 «(…) Andre typar lausmassar som kan nyttast til betring eller nyetablering av jordbruksareal skal brukast mest mogeleg samfunnsnyttig og med minst mogeleg transport.(…)»

Detaljregulering for E134 Fikse-Mørkeli

Vedlagt ligg godkjent plankart, føresegner, planskildring og møtebok i saka. Sjå heimesida til Etne kommune for meir informasjon og dokument: Møteoversikt - Etne kommune

 Vedtaket kan klagast på innan 3 - tre - veker, rekna frå denne kunngjeringa. jf. forvaltningslova kap. VI og plan-og bygningslova §§ 12-12 og 1-9. Eventuell klage skal leverast skriftleg til Etne kommune, Sjoarvegen 2, 5590 Etne eller på E-post til: post@etne.kommune.no. Frist for å kome med klage er: 26.05.25.

Informasjon om erverv og krav om erstatning

Som part i saka kan du ha rettar som følgjer av planvedtaket. Eventuelle krav om erstatning eller innløysing må setjast fram innan 3 – tre – år frå denne offentlege kunngjeringa av vedtaket, jf. § 15-3 i plan- og bygningslova. Statens vegvesen vil i perioden framover ta kontakt med grunneigarar i dei tilfella det er naudsynt å erverve areal.

Eventuelle spørsmål knytt til erverv av grunn eller krav om erstatning kan rettast til prosjektleiar i Statens vegvesen: Johannes Handeland på E-post til: Johannes.handeland@vegvesen.no eller tlf: 457 24 130.