Varsel om utviding av plangrense, høyring og offentleg ettersyn av detaljregulering for Enesjøen torg- og kaiområde

Viser til pågåande arbeid med detaljreguleringa for Etnesjøen torg- og kaiområde.

Etne kommune har blitt kontakta av ei lokal arbeidsgruppe som arbeidar med eit prosjekt kalla Magnushallen. Magnushallen skal vere eit senter for oppleving og historieformidling av bygda si kulturhistorie. Det nye senteret skal førast opp på ein flytande konstruksjon i forlenging av Sjoarreset.

Detaljregulering

Hovudutvalet har i sak 28/25 vedtatt å inkludere prosjektet i detaljreguleringa for Etnesjøen torg- og kaiområde. Sjå lenke til møteboka: Politisk møtekalender og saksdokument - Etne kommune.

Den delen av planforslaget som omhandlar det nye senteret vert med dette sendt på høyring og lagt ut for offentleg ettersyn i minimum 6 veker, jf. plan- og bygningslova §§ 5-2 og 12-10.

Det blir også varsla om at det har vore naudsynt å utvide plangrensa noko i sjøområda i vest. Føremålet er å sikre at all forankring skal liggje innanfor plangrensa.

Sjå vedlagt plankart, føresegner med meir.

Eventuelle merknadar til planendringa kan sendast på e-post til post@etne.kommune.no eller med brev til Etne kommune, Sjoarvegen 2, 5590 Etne. E-post/brev skal merkast med Etnesjøen torg- og kaiområde, planid 202301.

Merknad må sendast inn innan 23.09.2025 (6+3 veker grunna ferietid).

Endring i føresegnene.pdf (PDF, 185 kB)

Vurdering av planendringa og tiltaket.pdf (PDF, 2 MB)

Vurdering av om tilleggshøyringa vert omfatta av forskrift om konsekvensutgreiing.pdf (PDF, 248 kB)

Reguleringsplankart 09.07.2025 rev.pdf (PDF, 19 MB)