Skulefritidsordning (SFO)

SFO er eit tilbod til alle born på 1.-4. årssteg og for born med særskilte behov på 1.-7. årssteg.

Søknadsfrist kvart år er 1. mars.

Hovudaktiviteten er i første rekkje leik ute og inne, lesing, spel, samtalar og spontane aktivitetar.

Ein kan søkja heile året, men kvart år vil det vera ein frist 1. mars med omsyn til eit hovudopptak ved skulestart i august. Born som har fått plass, har plassen til dei går ut av 4. klasse dersom han ikkje vert sagt opp.
Søknad om endra opphaldstid har også søknadsfrist 1. mars.

Gratis kjernetid for 1., 2. og 3. klasse

Frå august 2024 vert det innført 12 timar gratis kjernetid også for 3. klasse. Det vil då gjelda for 1., 2. og 3. klasse. Dette får ein uavhengig av inntekt. Kjernetida er sett til éin time før skulestart og éin time og 24 minuttar etter skuleslutt. Det er mogeleg å berre velja gratis kjernetid. Ein må også søkja om dette.
Gratis kjernetid gjeld også på yrkedagar i skuleferiar i perioden 1. august til 30. juni. SFO er stengt 5 planleggjingsdagar.

Søkja om plass

SFO ved Enge og Skånevik skular er opne frå 1. august til 30. juni.
Søknadsfristen for hovudopptak er 1. mars.
Evt. nærare opplysningar får du på skulane eller på Tinghuset.

Ein søkjer om plass ved å logga seg på: Visma Skule Flyt via ID-porten.
Evt. endringar eller oppseiing gjer ein også på same nettsida.

Opningstida i SFO er slik (Tidene er tilpassa småskulen si undervisningstid):

Enge skule: Alle dagar kl. : 07.00 – 08.45 og 13.30 – 16.30

Skånevik skule: Alle dagar kl. : 07.00 – 08.15 og 12.50 – 16.30

Søskenmoderasjon

Det vert gjeve søskenmoderasjon. Moderasjon skal omfatta søsken som bur fast saman. Søsken blir definert som heil- og halvsøsken. Søskenmoderasjon vert også gjeve på tvers av barnehage og SFO.

Me oppmodar føresette som har eitt eller fleire barn i barnehage om å opplysa skulen om det.

Gjeldande moderasjon er:

32% for første barn
50% for andre og fleire born

Alternativ 1

SFO er open frå 1. august til 30. juni på alle yrkedagar. SFO er stengt i juli og 5 planleggingsdagar.
Julaftan, nyttårsaftan og onsdag før Skjærtorsdag vil SFO vera open til kl. 1200.
Det vil vera påmelding til dagar utanom skuledagar p.g.a. organisering av SFO-tilbodet.

Tilbod 11 mnd
Tilbod 11 mnd -	inkl feriar frå 1. august til 30. juni	Pris Skånevik	Pris Skånevik	Pris Enge	Pris Enge	Matpengar pr. mnd
		3.-4. klasse	1. og 2. klasse inkl gratis kjernetid	3.-4. klasse	1. og 2. klasse inkl gratis kjernetid
11 mnd SFO 2	Kl. 07.00 - kl. 1530 (10 dagar i månaden)	1 197	668	1 197	668	92
11 mnd SFO 3	Kl. 07.00 - kl. 1630 (10 dagar i månaden)	1 740	1 212	1 740	1 212	92
11 mnd SFO 4	Kl. 07.00 til kl. 1530	2 820	1 762	2 820	1 762	178
11 mnd SFO 5	Kl. 07.00 til kl. 1630	3 373	2 315	3 373	2 315	178
Gratis kjernetid	Dersom ein kun vel gratis kjernetid. Gjeld på skuledagar		0		0	178

På fakturaene vil gratis kjernetid kvar månad bli trekt i frå summane som står i søknadsskjema.
Det ein då skal betala vil stemma med summane som står under 1. - 2. klasse inkludert gratis kjernetid.

Alternativ 2

Ordning over 10 månader med oppstart første skuledag i august og slutt siste skuledag i juni med tilbod berre på skuledagar. SFO er stengt inntil 5 planleggingsdagar.

Det er mogeleg å kjøpa dagar og veker i tillegg.
Det vil vera påmelding til dagar utanom skuledagar p.g.a. organisering av SFO-tilbodet.

Tilbod 10 mnd
Tilbod 10 mnd	på skuledagar	Pris Skånevik	Pris Skånevik	Pris Enge	Pris Enge	Begge
		3.-4. klasse	1.-2. klasse inkl gratis kjernetid	3.-4. klasse	1.-2. klasse inkl gratis kjernetid	Matpengar pr månad
10 mnd SFO 1	Kl. 07.00 - skulestart (fem dagar i veka)	690*	234	920	479	0**
10 mnd SFO 2	Kl. 07.00 til kl. 1530 (10 dagar i månaden)	1 033	505	1 033	505	92
10 mnd SFO 3	Kl. 07.00 til kl. 1630 (10 dagar i månaden)	1 503	975	1 503	975	92
10 mnd SFO 4	Kl. 07.00 til kl. 1530	2 349	1 291	2 349	1 291	178
10 mnd SFO 5	Kl. 07.00 til kl. 1630	2 912	1 855	2 912	1 855	178
Gratis kjernetid	Dersom ein kun vel gratis kjernetid. Gjeld på skuledagar		0		0	171

Feriedagar
Feriedagar	Pris Skånevik	Pris Etne	Matpengar
Ein feriedag (kl. 0700 - 1630)	424	424	11 pr dag
Ei ferieveke (fem dagar kl. 0700 - 1630)	1 305	1305	55 pr mnd

* Prisen er lågare i Skånevik sidan Skånevik skule byrjar 1/2 time tidlegare enn Enge skule.
** Matpengar kan bli lagt til dersom SFO legg opp til eit måltid før skulestart.

Fakturering

Vedtekter for SFO

Sist endret 12.01.2024 09:23

Kontaktinformasjon